Një burrë nga Florida e ShBA-së, i cili kishte humbur unazën e tij të diplomimit nga Akademia e Marinës Amerikane në një fushë golfi në Pensilvani, e gjeti atë pas 54 vjetësh falë një golfisti tjetër.
David Lorenzo, 82-vjeçar, humbi unazën e klasës së vitit 1964 teksa luante golf me të atin në Uniontown Country Club, afër Pittsburghut.
“E mbijetoi luftën, por nuk e mbijetoi lojën time të golfit”, tha Lorenzo.
Michael Zenert, 70-vjeçar, po luante në të njëjtin klub kur pa një objekt të shndritshëm në baltën pranë green-it të katërt. Duke menduar se ishte ndonjë kapak birre, e hoqi dhe zbuloi se ishte një unazë.
Zenert kërkoi online për pronarin dhe gjeti një podcast ku Lorenzo fliste për përvojat e tij në ushtri. Ai udhëtoi drejt Floridës për t'ia kthyer personalisht unazën në Muzeun e Aviacionit Detar në Stacionin Detar Pensacola, ku Lorenzo punon si vullnetar.
“Më dukej e pamundur ta dërgoja me postë; duhej ta dorëzoja vetë”, tha Zenert.
Muzeu festoi rikthimin e unazës së Lorenzos në rrjetet sociale, duke e përshkruar si një “Krishtlindje të parakohshme” për vullnetarin e tyre.
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
