Pas Mike Tyson edhe një legjendë e boksit pritet të rikthehet në ring

Ish-kampioni i botës në kategorinë e rëndë Evander Holyfield, ka vendosur të rikthehet në ring për t’u përballur me Glenn McCrory në meçin e legjendave. Ka kohë që Holyfield është në kërkim të një meçi ekzibicioni. Legjenda e boksit edhe e kishte bërë të qartë se kurrë nuk do t’i kërkonte rivalit të vjetër, Mike Tyson, një ndeshje. Rikthimi i tij vjen pasi të njëjtën gjë bëri edhe kampioni tjetër Mike Tyson. Tyson u rikthye në ring javë më parë në një meç kundër Roy Jones Jr, i cili u mbyll pa fitues. Sipas talkSPORT, Holyfield do të luftojë kundër McCrory, ish-kampionit të botës në cruiserweight. "Fola në telefon me Holyfield dhe ai tha se do të luftojë kundër meje. Ai është frikësuar nga unë për 30 vjet, por tani ka vendosur të luftojë kundër meje. Po bëhet trim". "Po shikojmë ta caktojmë meçin për prill Unë u bëra kampion pasi Evander kaloi një nivel më lart, në kategorinë e rëndë, e mora kurorën e lënë vakant nga ai dhe i thashë në telefon: ‘Pse shkove në kategorinë e rëndë? A kishe frikë nga unë?’ gjithmonë kam qenë në formë të mirë, jam ngjitur në bjeshkën e tetë më të lartë në botë dhe nëse e arrij këtë pa stërvitur, natyrisht se mund të luftoj".