Pas njëzet vjetësh, Jennifer Lopez fejohet sërish me Ben Affleck

Jennifer Lopez dhe Ben Affleck, janë fejuar prapë me njëri tjetrin pas 20 vjetësh. Por ndryshe nga hera e parë, pas muajsh lidhjeje nën vëzhgimin e paparacëve në 2002, Lopez e trajtoi vetë njoftimin. Dhe për shkak se ky është viti 2022, jo 20 vjet më parë, lajmi për fejesën e çiftit erdhi përmes buletinit të Lopez, të quajtur "On the JLo", ku ylli i filmit regjistroi një video për fansat, me një unazë fejese me diamant të gjelbër. Në vend që të thoshte ndonjë gjë specifike, ajo i la ndjekësit e saj të lidhnin pikat. Ndërkohë motra e Lopez, Lynda, e ka konfirmuar lajmin në llogarinë e saj në Instagram. Lopez dhe Affleck ishin ndër çiftet më të famshëm në fillim të viteve 2000. Ata bënë dy filma së bashku, komedinë romantike të vitit 2003 "Gigli" dhe "Jersey Girl" në 2004. Në kohën kur bashkëpunimi i tyre i dytë në ekran, një film indi me regji të Kevin Smith, kishte dalë në kinema në mars, çifti tashmë kishte njoftuar se ishin ndarë, përcjell Klankosova.tv Edhe pse Lopez, 52, dhe Affleck, 49, u martuan me njerëz të tjerë, ai me Jennifer Garner dhe ajo me Marc Anthony, ata të dy u divorcuan. Në jetën e tyre profesionale, Affleck fitoi një Oscar për prodhimin e "Argo" dhe Lopez grumbulloi një pasuri pas një periudhe si gjyqtare në "American Idol", e cila përfshinte turne, aktrim në filma dhe regjistrim muzike. Një vit më parë, ata u rikthyen bashkë. Ata bënë një seri paraqitjesh në tapetin e kuq së bashku, duke përfshirë Festivalin e Filmit në Venecia në shtator për rolin e Affleck në "The Last Duel" dhe në premierën e "Marry Me", komedisë së fundit romantike të Lopez.