Pas pak Osmani dhe Plenkoviq bashkëkryesojnë tryezën e liderëve “Një Evropë e hapur me kufij të sigurt"

Në sesionin e parë të Samitit të VI të Komunitetit Politik Evropian në Tiranë u fol për luftën që Rusia po ia bën Ukrainës “U bën thirrje për paqe, që duhet të vijë një paqe mes Kijevit dhe Moskës zyrtare, për shkak se Evropa, siç thonë liderët evropianë është lodhur nga lufta e paprovokuar, agresioni i paprovokuar rus ndaj Ukrainës. Një element të veçantë e tha kancelari gjerman Merz, i cili tha se Shtetet e Bashkuara të Amerikës duhet të jenë me patjetër me Evropën në këto kohë kritike dhe historike, si dhe me NATO-n”, i dha këto detaje gazetari Besnik Tahiri. Tutje, ai tregon se kur do të nisë sesioni ku presidentja Vjosa Osmani së bashku me kryeministrin e Kroacisë, Andrej Plenkoviq, do të bashkëkryesojë tryezën e liderëve me temën “Një Evropë e hapur me kufij të sigurt”. “Në sesionin numër 2 do të ketë takime bilaterale mes liderëve të Ballkanit Perëndimor dhe të atyre të Bashkimit Evropian si dhe të shteteve të tjera. Presidentja Vjosa Osmani që përfaqëson Kosovën në këtë samit, ka thënë se do të takojë liderë të ndryshëm. Ndërkaq një sesion i rëndësishëm që do të mbahet në organizimin e Kosovës dhe Kroacisë do të mbahet rreth 30 minuta pas kësaj”, tha ai. /klankosova.tv https://www.youtube.com/watch?v=5_tP_8KUCAU