Pas shqiptimit të gjobës kanosi zyrtarët policorë, arrestohet i dyshuari në Bardhosh

Një burrë është arrestuar në fshatin Bardhosh të Prishtinës. Kjo pasi sipas policisë, i dyshuari pas shqiptimit të një gjobe për kundërvajtje ka ofenduar dhe kanosur zyrtarët policorë, transmeton Klankosova.tv. Rasti raportohet të ketë ndodhur më 19 qershor rreth orës 21:39. “Është arrestuar i dyshuari mashkull kosovar, pasi që i njëjti pas shqiptimit të një gjobe për kundërvajtje, ka ofenduar dhe kanosur zyrtarët policorë. Pas intervistimit, me vendim të prokurorit i dyshuari është dërguar në mbajtje”, thuhet në raportin e policisë.