Pasi kthehen në veturë, familja gjen gjarprin të varur në pasqyrë

Një familje australiane, që ishte në piknik në Queensland, përfundoi duke thirrur për ndihmë një specialist të zvarranikëve, pasi kur u kthyen në makinën e tyre e gjetën një piton të varur në pasqyrë. Josh Castle, drejtor i Brisbane North Snake Catcher, tha se një nga kapësit e zvarranikëve u përgjigj kur një familje, që ishte në piknik në veri të Brisbane, zbuloi se gjarpri, me sa duket, kishte rrëshqitur brenda në automjet përmes një dritareje që ishte lënë e hapur. Castle postoi foto të skenës së pazakontë në llogarinë e kompanisë së tij në Facebook. Ai shtoi se ishte një nga vendet më të pazakonta që telefonuesit kanë gjetur gjarpërinj. "Unë i kam nxjerrë nga mbulesat e makinave dhe gjëra të tilla, gjë që është më e pritshme sepse mund të futen aty më lehtë nga poshtë", tha Castle për 7News, transmeton Klan Kosova. “Fakti që ishte në të vërtetë në makinë dhe duke qëndruar në diell përmes pasqyrës, është mjaft i çuditshëm”. Castle deklaroi se gjarpri, i cili ishte pak më shumë se 4 metra i gjatë, ishte zhvendosur nga aty në mënyrë të sigurt.