Pastrohen dhe dezinfektohen shkollat dhe objektet komunale në Rahovec (VIDEO)

Asnjë mushkonjë e brejtës s’do të shihet për 6 muaj në shkollat e Rahovecit. Kjo pas dezinfektimit, dezinsektimit e deratizimit të objekteve që u bë këtë të shtunë. "Duke përshirë edhe çerdhet, janë gjithsej rreth 38 objekte të institucioneve arsimore të komunës sonë të cilat po i nënshtrohen këtij procesi", tha,  Avni Morina, Drejtor i Arsimit në Komunën e Rahovecit. Diçka e tillë, u tha se s’është kryer që nga pandemia, njofton Klan Kosova. "Të bëhet së paku një herë në vit tash ose çdo 6 muaj që të hiqen insektet, llojet e ndryshme të parazitëve që të mos na hynë edhe brenda lokaleve të shkollës", ishte kërkesa e Selajdin Berishës, drejtor i shkollës “Vëllezërit Frashëri në Drenoc. Me këtë po synohet të parandalohet përhapja e ndonjë sëmundje që vjen si pasojë e konaktit të njeriut me insekte e brejtës. Përvec shkollave, ky proces do të kryhet edhe nëpër objekte publike komunale të kësaj komune. https://www.youtube.com/watch?v=Z1yrF1vWpi8&t=5s