Paul Ruddi u ndie çuditshëm që ishte pjesë e episodit të fundit të Friends

Aktori Paul Rudd ka thënë që është ndier çuditshëm duke qenë pjesë e episodit të fundit të Friends. Ruddi i cili në hit-serinë komike luante Mike Hanniganin, rolin e të dashurit të njërës prej protagonsidteve, Phoebet, ishte bërë pjesë e kastit më 2002, në episodin e tretë të sezonit të nëntë. “Krejt ajo punë më duket paksa surreale, duhet ta them, që isha pjesë e saj,” ka thënë Ruddi për Heart Breakfast. “Sepse unë u pata bërë pjesë kah fundi...kurrë s’ma kishte marrë mendja që do të isha në aq shumë [episode] sa isha”. “Ama edhe më vinte çuditshëm. Isha në episodin e fundit dhe vetëm mendoja, ‘Unë s’kam se çfarë lyp këtu. Po zë një ulëse në rreshtin e parë për gjëra që nuk duhet t’i shoh”. “Ata të gjithë po qanin, ishte shumë emocionuese, dhe unë isha disi, ‘Woah.’ Ndihesha shumë i privilegjuar mirëpo thosha, ‘oh vetëm do të ulem këtu dhe nuk do të përzihem'”. https://www.youtube.com/watch?v=9snbUbbMqbg