Pëllumbi spiun

Policia në Indi ka "arrestuar" një pëllumb nën dyshimin së është një spiun pakistanez pasi u kap  teksa barte një mesazh. Pëllumbi u kap nga oficerët policorë pasi ai u pa në afërsi të kufirit të Pakistanit me shenjat e një adrese dhe numrin e telefonit. Fillimisht, ai u shfaq si një zog normal në shtëpinë e një berberi. Por kur djali i tij 14-vjeçar e kapi për ta mbajtur në shtëpi, vuri re një shenjë të çuditshme. Djali më pas e dërgoi zogun në polici ku oficerët zbuluan një mesazh të shkruar me një seri numrash. Oficerët e "dokumentuan" pëllumbin si një "spiun të dyshuar", dhe njoftuan agjencinë e sigurisë së Indisë  për të parë nëse shpendi kishte pajisje të fshehura, transmeton Klan Kosova. “Nuk u gjet asgjë tjetër, por ne e mbajtëm zogun në arrest”, ka thënë Rakesh Kaushal, një përfaqësues i policisë. “Ne kemi kapur disa spiunë këtu. Zona është e ndjeshme, duke pasur parasysh afërsinë e saj në Jammu, ku infiltrimi është mjaft i zakonshëm" shtoi ai.

klankosova.tv