Për 50 euro mund ta kaloni një ditë si Corleone

Shtëpia ikonike nga filmi legjendar, “Kumbara”, tashmë është pjesë e platformës për rezervim të banesave, Airbnb. Madje, ata që duan ta rezervojnë një natë aty, një gjë e tillë kushton relativisht lirë, vetëm 50 euro. Shtëpia e cila është e stilit Tudor, kishte shërbyer si vendbanimi i personazhit mafioz, kryefamiljarit të Corleone-ve, Vitos, luajtur nga Marlon Brando. Ndërkaq, në kuadër të festimit të 50-vjetorit të filmit, kjo shtëpi e ndodhur në Staten Island të Shteteve të Bashkuara të Amerikës, do ta ketë këtë çmim përgjatë muajit gusht.