Për Krishtlindje merr biletë lotarie në vlerë prej 30 mijë dollarë

Një burrë nga Maryland i ShBA-së mori një biletë lotarie me gërvishtje për Krishtlindje dhe përfundoi duke fituar çmimin prej 30 mijë dollarësh. Burri fatlum u tha zyrtarëve të Lotarisë së Maryland-it se ai dhe shoku i tij më i mirë kanë një traditë të Krishtlindjeve për t'i dhënë njëri-tjetrit bileta lotarie. "Ne i kemi blerë njëri-tjetrit bileta gërvishtëse si dhurata Krishtlindjesh për vite me radhë. Kemi fituar ca çmime të vogla, por asgjë si kjo", deklaroi ai. Lojtari tha se ai dhe shoku i tij mblidhen gjithmonë në prag të Krishtlindjes për të shkëmbyer dhe gërvishtur biletat e tyre. "Të dyve na pëlqen të luajmë, kështu që është bërë një pjesë argëtuese e festës", tha ai. "Dhe ne gjithmonë përfshijmë disa nga lojërat e festave". Fituesi tha se planifikon t’i përdorë paratë e tij të çmimit për të dalë nga borxhi.