Për një ritestim mbesin nën mbikëqyrje të policisë katër lokacionet në Prishtinë

Lagjet Mati 1, Tophane, Veternik si dhe kompleksi banesor “Rrezja” do vazhdojnë të jenë nën mbikëqyrjen e Policisë. Këtë për klankosova.tv e ka konfirmuar nënkryetari i komunës së Prishtinës, Muhedin Nushi. Nushi tregoi se të gjithë të dyshuarit kanë rezultuar negativë mirëpo për shkak se një rast duhet të ritestohet vazhdojnë të mbesin nën mbikëqyrje, njofton Klan Kosova “Ka dy ditë që kanë protestuar por është një rast që do të ritestohet kshtu që presim rezultatet sonte”. “Mbrëmë e kemi dërgu kërkesën tek Ministrinë e Punëve të Brendshme për me u liru nga mbikëqyrja mirëpo na është thënë se duhet të presim ritestimin në mënyrë që të gjitha lokacionet të lirohen përnjëherë”, deklaroi Nushi.