"Për Shqipërinë 2030 në BE", Rama publikon fotoalbum me ministrat e kabinetit të ri

Kryeministri shqiptar Edi Rama ka publikuar fotografitë e ministrave të kabinetit të ri qeveritar. Ai shkruan në Facebook se ky është fotoalbumi i qeverisë së re për Shqipërinë 2030 në BE, transmeton Klankosova.tv. Si Zëvendëskryeministër dhe Ministër i Infrastrukturës dhe Energjisë është emëruar Belinda Balluku, ndërsa Albana Koçiu merr postin e Ministres së Jashtme, duke zëvendësuar Ervin Hoxhën. Igli Hasani ka lënë Ministrinë për Evropën dhe Punët e Jashtme, ndërsa drejtimin e saj e merr Elisa Spiropali, e cila më parë ka shërbyer si Ministre e Brendshme, raporton Klankosova.tv. Pirro Vengu është emëruar Ministër i Mbrojtjes, ndërsa Petrit Malaj merr drejtimin e Ministrisë së Financave. Blendi Gonxhja do të drejtojë Ministrinë e Turizmit, Kulturës dhe Sportit, ndërsa Sofjan Jaupaj emërohet Ministër i Mjedisit. Mirela Kumbaro do të udhëheqë Ministrinë e Arsimit, ndërsa Evis Sala do të marrë postin e Ministrit të Shëndetësisë dhe Mbrojtjes Sociale. Delina Ibrahimaj do të drejtojë Ministrinë e Ekonomisë dhe Inovacionit, Besfor Lamallari Ministrinë e Drejtësisë, ndërsa Andis Salla Ministrinë e Bujqësisë dhe Zhvillimit Rural. Toni Gogu emërohet Ministër i Shtetit për Marrëdhëniet me Parlamentin, Adea Pirdeni Ministër i Shtetit për Administratën Publike dhe Antikorrupsionin, Majlinda Dhuka Ministër Shteti dhe Kryenegociatore, ndërsa Ervin Demo do të udhëheq Ministrinë e Shtetit për Pushtetin Vendor. https://klankosova.tv/kush-jane-17-ministrat-e-rinj-te-rames/ Në pozicione të tjera të rëndësishme, Niko Peleshi është emëruar Kryetar i Kuvendit, Klodiana Spahiu Nënkryetare, dhe Taulant Balla do të jetë Kreu i grupit parlamentar. Në mesin e risive që solli  është edhe ministrja e krijuar nga inteligjenca artificiale, jo një ministre për AI, por një ministre virtuale e përbërë nga kode dhe e fuqizuar nga inteligjenca artificiale. Emri i saj është Diella, që në shqip do të thotë rreze dielli, dhe ajo do të jetë përgjegjëse për të gjitha prokurimet public, transmeton Klankosova.tv