Për të tretën ditë me radhë numri i vdekjeve në Spanjë si pasojë e Covid-19 është nën 100

Numri i vdekjeve ditore në Spanjë si pasojë e Covid-19 është rritur lehtë duke shkuar në 83 gjatë së hënës. Megjithatë është dita e tretë me radhë që shifrat nuk kanë kaluar mbi 100, thonë të dhënat e Ministrisë së Shëndetësisë së Spanjës, shkruan CNN, transmeton Klan Kosova. Në tre ditët e fundit është raportuar numri më i vogël i rasteve të humbjes së jetëve në dy muajt e fundit në gjithë vendin, ku numri total i personave që kanë humbur jetën është mbi 27 mijë. Këtë të martë Spanja ka njoftuar se do ta zgjasë gjendjen emergjente edhe për dy javë gjatë krizës së koronavirusit.