Presidenti i Serbisë, Aleksandar Vuçiq, vazhdon të jetë objekt talljeje nga rivalët politikë për shkak të uljes në një qosh të dhomës ku u takuan liderët e Ballkanit Perëndimor me ata të Bashkimit Evropian si edhe me nikoqirët e Forumit Ekonomik të Davosit.
Vetë Vuçiq, tha se e zgjodhi vet ulësen jashtë dy rreshtave kryesorë, në të cilët kishte zënë vend edhe kryeministri kosovar, Albin Kurti.
“Unë vetë e zgjodha se ku do të ulem. Edhe pse më lutën 3 herë që të ulen në rreshtin e parë, unë nuk deshta”, tha ai duke u krenuar me zotësinë e vet.
“Nuk ka rëndësi nëse do t’i pëlqeni mësuesit, nëse uleni në rreshtin e parë – po është çështje e dijenisë suaj”.
Me apo pa dashjen e tij, kjo nuk është hera e parë që Vuçiq shihet i shpërfillur nga nikoqirët në takime ndërkombëtare.
Në shënimin e 100 vjetorit të përfundimit të Luftës së Parë Botërore në nëntor të vitit 2018 në Paris, atij i ishte lënë vend krejt periferik në raport me atë që i ishte caktuar presidentit kosovar, Hashim Thacit.
Ndërsa në të njëjtin vit, ishte lënë prapa edhe nga presidenti rus, Vladimir Putin, që si kryemysafir në Paradën e Fitores në Moskë e trajtonte kryeministrin izraelit, Benjamin Netanjahu.
https://www.youtube.com/watch?v=WcV22QziihA
●●●
LISHKRIMI NGA
L I
Editorial nga Klan Kosova — ndjek video lajme dhe zhvillimet e tjera kryesore të vendit.
