“Përdorimi i shqipes në domenin publik” diskutohet në tryezën që bën bashkë Prishtinën dhe Shkupin

“Përdorimi i shqipes në domenin publik” është tema e tryezës shkencore e cila mbahet me rastin e Ditës Ndërkombëtare të Gjuhës Amtare e cila shënohet nesër. Nën organizimin e Institutit Albanologjik në Prishtinë dhe Universitetit “Nënë Tereza” në Shkup, në këtë aktivitet shkencor do të flasin studiues të ndryshëm si: Asllan Hamiti, Mustafa Ibrahimi, Abdurrahim Maxhuni, Ismet Osmani, Bahtijar Kryeziu, Begzad Baliu, Naim Berisha, Ajtene Hajdari Qamili, Sejdi Gashi, Izer Maksuti dhe Manjola Zaçellari. Tryeza mbahet në orën 10:00, në sallën shkencore të Institutit Albanologjik në Prishtinë.