Përfitoi 18 mijë euro në emër të sëmundjes, arrestohet 31-vjeçari (VIDEO)

Për disa muaj me radhë, u fsheh nga organet e rendit dhe të drejtësisë, Por këtë të martë i erdhi fundi. Një person me iniciale B.K u kap diku në Obiliq paraditen e së martës, pasi ishte në kërkim që nga tetori i vitit të shkuar, si i dyshuar për keqpërdorim të besimit të qytetarëve duke kërkuar ndihmë rrejshëm, gjoja se për një të sëmurë. Rasti qe lajmëruar në Stacionin Policor në Gjilan, nga një personalitet i njohur jo vetëm në këtë qytet, Princ Valentino Corleone i cili, përmes internetit, apeloi për të grumbulluar mjete monetare. Corleone mirëpriti lajmin e arrestimit, sikur edhe qytetarë tjerë, që këto vepra, si ajo që bëri B.K. i konsiderojnë të dëmshme. Gjilanasit bëjnë thirrje për më shumë kujdes në këso raste. 18 mijë euro dyshohet se i përfitoi personalisht i riu, i cili në internet ishte lajmëruar nga Mitrovica. Pjesën tjetër të parave të dhëna si ndihmë nga donatorët, nuk ia ka dalë t’i nxjerrë nga llogaria bankare. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=3pMHd2oam1M