Përfshihet nga flakët apartamenti, vdes një person në Bulqizë

Një incident i rëndë ka ndodhur në qytetin e Bulqizës në Shqipëri mëngjesin e kësaj të hëne. Nga informacionet paraprake bëhet me dije se si pasojë e një zjarri në një apartament ka humbur jetën një person. Shtetasi me inicialet B.C., u arrit të nxirrrej nga banesa nga zjarrfikësit, por ndërroi jetë si pasojë e plagëve të marra. Grupi hetimor ndodhet në vendin e ngjarje dhe  po punon për sqarimin rrethanave dhe përcaktimin e  shkakut të rënies së zjarrit, raporton Euronews.al, transmeton Klankosova.tv. “Mëngjesin e  sotëm, rreth orës 09.10,  në  qytetin e vjetër  Bulqizë, në katin e parë të një pallati, në banesën e shtetasit Xh.C, ka rënë zjarr. Menjëherë kanë shkuar shërbimet zjarrfikëse dhe shërbimet e Policisë ku kanë bërë të mundur nxjerrjen nga banesa të shtetasit Xh.C, i cili ka humbur jetën në spital”, thueht në njoftimin e policisë.