Një stallë është përfshirë nga flakët në fshatin Shkozë të Prizrenit, ku fatmirësisht nuk ka të lënduar.
Rastin për Klankosova.tv e konfirmoi zëdhënësi i Policisë për rajonin e Prizrenit, Shaqir Bytyqi, i cili tha se dëmi konsiderohet të jetë rreth 4000 euro.
“Sot, më datën 18.11.2025, në orët e hershme të mëngjesit është raportuar se në fshatin Shkozë të Prizrenit një objekt përcjellës i një stalle ka marrë flakë. Si pasojë e zjarrit ka vetëm dëme materiale (rreth 4,000 euro), por nuk ka të lënduar”, thuhet në përgjigjen e tij.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.