Përfshihet nga zjarri një veturë në Lipjan

Një veturë e tipit BMW është përfshirë nga zjarri në rrugën “Hamëz Jashari” në Lipjan. Sipas Policisë së Kosovës, rasti ka ndodhur të shtunën rreth orës 23:20, derisa nuk u raportua për të lënduar. Zjarrfikësit kanë intervenuar duke lokalizuar dhe fikur zjarrin, transmeton Klankosova.tv. “Në rrethana të panjohura është përfshirë nga zjarri  vetura e tipit BMË-pronë e ankueses/kosovare. Njësitet policore dhe zjarrfikësit kanë dalë në vendin e ngjarjes dhe kanë lokalizuar e fikur zjarrin. Nuk raportohet për persona të lënduar. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin 24-orësh të policisë.