Përfundon seanca për raportimin e Hotit rreth dialogut, s’ka kuorum për votimin e rezolutës

Rreth shtatë orë ka zgjatur raportimi i kryeministrit Avdullah Hoti në Kuvendin e Kosovës për marrëveshjen e Washingtonit dhe dialogun në Bruksel. Në fund të seancës nuk pati kuorum për të hedhur në votim rezolutën për dialogun. Shefi i Grupit Parlamentar i Vetëvendosjes, njëherësh propozues i rezolutës, Rexhep Selimi tha se kanë marrë edhe disa propozime të cilat do të merren parasysh dhe nesër kur pritet edhe të vazhdojë seanca e Kuvendit, kjo rezolutë të hidhet për votim.