Përpjekja për ta vjedhur muralin e Banksyt, i dyshuari mund të burgoset 12 vjet

Personi i cili dyshohet për vjedhjen e muralit të Banksyt në një qytet ukrainas, mund të përballet me 12 vjet burgim nëse shpallet fajtor, tha të hënën ministria e brendshme e Ukrainës. Vepra e artit, që përshkruan një grua me një maskë gazi, e veshur me fustan dhe që mban një zjarrfikës, u hoq nga një mur në qytetin Hostomel më 2 dhjetor, shkruan Reuters, transmeton Klan Kosova. Vepra e artistit të njohur britanik ishte vlerësuar mbi 200 mijë euro. “Kriminelët u përpoqën ta transportonin këtë grafit me ndihmën e dërrasave të drurit dhe polietilenit”, thuhet në njoftim. “Falë shqetësimit të qytetarëve, policia dhe forcat e tjera të sigurisë arritën të arrestonin kriminelët. Murali u gjet. Banksy konfirmoi se ai kishte pikturuar muralin dhe gjashtë të tjerë në vendet që u goditën nga luftimet e ashpra pasi Rusia pushtoi Ukrainën në fund të shkurtit. Për t’u informuar më shumë rreth këtij rasti, klikoni në linkun e mëposhtëm. https://klankosova.tv/perpjekja-per-ta-vjedhur-muralin-e-banksyt-ne-ukraine-arrestohet-grupi-i-dyshuar/

klankosova.tv