Përplasen disa automjete në autostradë, mbi 60 të vdekur në Ugandë

63 persona kanë vdekur pasi disa automjete u përplasën në një autostradë në Ugandë, tha policia të mërkurën. Dy autobusë që udhëtonin në drejtime të kundërta u "përplasën ballë për ballë" ndërsa përpiqeshin të parakalonin dy automjete të tjera - një kamion dhe një makinë - në autostradën Kampala-Gulu, sipas Forcës Policore të Ugandës, raporton BBC, transmeton Klankosova.tv. Një nga autobusët devijoi në një përpjekje për të shmangur një përplasje, por gjatë këtij procesi shkaktoi një "përplasje ballë për ballë" që çoi në një "reaksion zinxhir" në të cilin automjetet e tjera humbën kontrollin dhe u përmbysën. Përveç viktimave, pasagjerët e automjeteve të përfshira në aksident u lënduan, tha policia. Një hetim ka nisur.