Përplasi një person dhe më pas u largua, arrestohet 42-vjeçari në Sukth

Mbrëmë në rrugën Sukth-Vadardhë, rreth orës 20:45, një automjet përplasi një 54-vjeçar dhe u largua menjëherë nga vendi i ngjarjes, pa i dhënë ndihmën e parë. Policia u njoftua për ngjarjen dhe nisi një operacion për identifikimin dhe kapjen e autorit të dyshuar. Brenda pak orësh, specialistët e Policisë Rrugore arritën të lokalizojnë dhe arrestojnë shtetasin D. M., 42 vjeç, banues në Sukth, i dyshuar si drejtuesi i mjetit që shkaktoi aksidentin dhe u largua, raporton Topchannel, transmeton Klankosova.tv. Në cilësinë e provës materiale, është sekuestruar edhe automjeti me të cilin dyshohet se është kryer aksidenti.