Gjykata e Apelit në Shqipëri ka lënë në fuqi dënimin me 18 vite burg për Arjan Tase, ish-policin që shkaktoi vdekjen tragjike të 7-vjeçares Jonada Avdia në plazhin e Potamit, në gusht të vitit 2022.
Ngjarja ndodhi më 2 gusht 2022, dhe fillimisht u ngrit akuza për vrasje nga pakujdesia. Megjithatë, pas hetimeve, prokuroria e Vlorës e ndryshoi akuzën në vrasje me dashje. Tase, i cili ishte shef i Policimit në Elbasan, u përjashtua përfundimisht nga Policia e Shtetit nga ish-drejtori Gledis Nano, shkruan Euronews.al, transmeton Klankosova.tv.
Arjan Tase, i cili po drejtonte një gomone të fuqishme në një zonë të ndaluar, brenda kordonit ku laheshin qytetarët në plazhin e Potamit.
Mjeti lundtues goditi fëmijën që po lahej në det bashkë me të atin. Përplasja nga helikat e gomones, rezultoi fatale për 7-vjeçaren e cila humbi jetën në vend.
Familja e viktimës, e cila jetonte në Angli dhe ishte kthyer për pushime në Shqipëri, ku pësoi dhe humbjen tragjike.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
