Përplasjet Tajlandë-Kamboxhia hyjnë në ditën e katërt, rriten viktimat dhe zhvendosjet

Konfrontimet përgjatë kufirit Tajlandë-Kamboxhia kanë vazhduar për të katërtën ditë rresht, ndërsa të dy palët akuzojnë njëra-tjetrën për shkelje të ligjit ndërkombëtar dhe pritja vazhdon për një telefonatë ndërmjetësuese të premtuar nga presidenti amerikan Donald Trump. Kamboxhia njoftoi sulme të shumta nga ushtria tajlandeze në disa provinca, duke përfshirë goditje me tanke, artileri dhe avionë F-16  kanë shkaktuar dëme në zona civile, shkolla dhe objekte të trashëgimisë kulturore. Autoritetet kamboxhiane raportuan 10 civilë të vrarë dhe dhjetëra të plagosur, raporton AlJazeera, transmeton Klankosova.tv. Tajlanda hodhi poshtë akuzat, duke pretenduar se Kamboxhia ka përdorur zona historike si baza ushtarake dhe se kundërsulmet kanë qenë të domosdoshme. Ushtria tajlandeze njoftoi për tetë persona të vrarë dhe 80 të plagosur në radhët e saj. Sipas agjencisë AFP, mbi 500,000 njerëz nga të dy vendet janë detyruar të largohen nga zonat kufitare që nga e hëna, kur nisën përplasjet. Konflikti pritet të jetë në fokus të një tentative të re ndërmjetësimi nga Trump, vetëm një muaj pasi armëpushimi i ndërmjetësuar prej tij në Kuala Lumpur u shpërbë. /Klankosova.tv