Peruja shpall gjendje emergjente për një muaj për shkak të rritjes së krimit

Presidenti i Peru, Jose Jeri, ka shpallur gjendje emergjente për 30 ditë në kryeqytetin Limë dhe provincën përreth, Callao, për shkak të rritjes së krimit. Vendimi, i miratuar nga Këshilli i Ministrave, i cili autorizon përdorimin e forcave të armatosura së bashku me policinë për të ruajtur rendin publik. Ky lajm vjen pas protestave të javës së kaluar, që lanë një të vrarë dhe mbi 100 të plagosur. Në një fjalim televiziv, Jeri tha se tashmë po kalojnë “nga mbrojtja te sulmi” në luftën kundër kriminalitetit, me qëllim rikthimin e paqes dhe besimit të qytetarëve. Presidenti Jerí, i cili u betua më herët këtë muaj pas shkarkimit të presidentes së mëparshme, Dina Boluarte, ka bërë luftën kundër krimit një prioritet kryesor në kabinetin e tij të ri. Ai u përball gjithashtu me protestën e parë të madhe të organizuar nga grupet e shoqërisë civile dhe të rinjtë e “Gjeneratës Z”, të cilët kërkojnë masa të forta kundër rritjes së krimit, shkruan Reuters, transmeton Klankosova.tv.