Përurohet laboratori i patologjisë në Gjilan (VIDEO)

Katër patologë të punësuar në Spitalin e Gjilanit, deri më tani kanë punuar për QKUK-në, në mungesë të laboratorit. Mirëpo, një i tillë u përurua këtë të premte e i cili do ti kthej disa prej patologëve në koordinim me drejtorinë e përgjithshme të ShSKUK-së Shërbimet këtu fillimisht do të jenë të kufizuara, të cilat do të nisin për shëndetin e grave, procedura citologjike me synimin për të vazhduar me patologji të tjera. Pos Patologjisë, u rinovua në tërësi reparti i Pulmologjisë dhe një pjesë e Radiologjisë, ku për këtë të fundit ministri Rifat Latifi tha se do të pajiset me Rezonancë Magnetike. Ministri Latifi theksoi se është shumë e rëndësishme që qytetarët e kësaj ane ti marrin shërbimet këtu dhe jo të udhëtojnë për në Prishtinë. E para e SHSKUK-së, Pranvera Zejnullahu Raci, bëri me dije  se misioni i saj është t'i fuqizojë spitalet rajonale. Të lumtur për kontributin prej 2017 nga LuxDev  në sektorin publik të shëndetësisë, është edhe Luksemburgu. "Kjo njësi e sapo rinovuar do të ndikojë në përmirësimin e shëndetit dhe mirëqenies së poullatës, do të shpëtojë më shumë jetë dhe do të ofrojë kujdes më të mirë për pacienitët", tha, Ambasadori i Luksemburgut në Kosovë, Eric Ditz. Pos këtyre, të pranishëm ishin edhe Bordi i SHSKUK-së dhe kryetari i Gjilanit, Alban Hyseni ku shprehën mirënjohje dhe mbështetje. Synimi i Spitalit të Gjilanit është puna drejt rrugës për certifikim dhe akreditim ndërkombëtarë. https://www.youtube.com/watch?v=qO6zj3wXLTk