Pesë rastet në Fushë Kosovë janë kontakte me familjarë në Vushtrri

Instituti Kombëtar i Shëndetësisë Publike në Kosovë njoftoi se në mesin e 27 rasteve të reja me Covid-19, pesë janë nga komuna e Fushë Kosovës. Bëhet fjalë për një polic bashkë me familjen e tij të cilët kishin pasur kontakt me një familjar të tyre në Vushtrri, njofton Klan Kosova Këtë për klankosova.tv e konfirmoi zëdhënësi i komunës së Fushë Kosovës, Ali Topalli. "Bëhet fjalë për një polic bashkë me familjen e tij, gruan dhe tre fëmijët. Janë raste kontakti me një familjar të tyre me vendbanim në Vushtrri". "Momentalisht janë duke u trajtuar në shtëpi të pesë antarët dhe janë në pritje të rekomandimeve të Ministrisë së Shëndetësisë dhe IKSHPK-së", deklaroi Topalli.