Një pikturë surrealiste me vlerë më shumë se një çerek milion euro, e cila ishte harruar nga një biznesmen në aeroportin e Dusseldorf, është gjetur në një deponi riciklimi aty pranë.
Binzesmeni, identiteti i të cilit nuk u dha, muajin e kaluar la aksidentalisht pas pikturën e surrealistit francez, Yves Tanguy, në një banak të chek-in’it kur hipi në aeroplan për të fluturuar nga Dusseldorfi për në Tel Aviv.
Në kohën kur zbarkoi në Izrael dhe kontaktoi policinë e Duesseldorf-it, krijimtaria 280 mijë eurshe, e cila ishte e mbështjellë me karton, ishte zhdukur.
“Përkundër e-maileve të shumta me detaje rreth pikturës 40x60 centimetra, autoritetet nuk mundën ta lokalizonin veprën artistike”, deklaroi zëdhënësi i policisë, Andre Hartwig.
Vetëm pasi nipi i biznesmenit udhëtoi në aeroport nga Belgjika fqinje dhe bisedoi direkt me policinë për më shumë informacione, një inspektor ishte në gjendje ta gjurmonte pikturën në hedhësin e letrave të riciklimit, të përdorur nga kompania që pastron aeroportin.
“Kjo ishte padyshim një nga historitë tona më të lumtura këtë vit. Ishte punë e vërtetë detektive”, ka thënë Hartwig.
●●●
EVSHKRIMI NGA
E V
Editorial nga Klan Kosova — ndjek kuriozitete dhe zhvillimet e tjera kryesore të vendit.
