Plagosen me thikë 15 punëtorë të një fabrike gomash, arrestohet i dyshuari

Skena të përgjakshme kanë ndodhur në një fabrikë gomash në Japoni. Një burrë  atje plagosi të paktën 15 persona me thikë. Një zëdhënës i zjarrfikësve në qytetin Mishima, Japoni, tha të premten se shtatë persona ishin plagosur nga plagët me thikë. Siç raporton Bild, të 15 personat e plagosur u dërguan në spitale. Pesë prej tyre pësuan lëndime të rënda. Të premten, rreth orës 16:30 sipas orës lokale, u mor një telefonatë emergjence nga fabrika, e cila prodhon, ndër të tjera, goma për kamionë dhe autobusë. Ende është e paqartë nëse sulmuesi ishte i punësuar nga kompania. Megjithatë, besohet se ekziston një lidhje midis tij dhe kompanisë. Një i dyshuar – një burrë 38-vjeçar sipas Associated Press është arrestuar. Ai akuzohet për tentativë vrasjeje. /Klankosova.tv