Plagoset me armë zjarri një 40-vjeçar në Vorë

Një 40-vjeçar është plagosur me armë zjarri në Vorë. Sipas policisë, ai u plagos në këmbë derisa ishte në shtëpinë e tij, dhe tani gjendet në spital, transmeton Klankosova.tv. "Më datë 26.05.2025, rreth orës 03:30, është paraqitur në spital për mjekim shtetasi E. A., 40 vjeç, pasi dyshohet se brenda në banesën e tij në Marikaj, është plagosur me armë zjarri në këmbë. 40-vjeçari ndodhet në spital, nën kujdesin e mjekëve. Grupi hetimor po punon për sqarimin e plotë e rrethanave të rastit", njofton Policia e Shtetit. Në cilësinë e provës materiale është sekuestruar një armë zjarri pushkë, të cilën 40-vjeçari e posedonte pa leje.