Plagosi me armë një person në Berat, kapet 35-vjeçari në Greqi

Një 35-vjeçar është arrestuar në Greqi, pasi ishte shpallur në kërkim ndërkombëtar për plagosjen e një personi në Berat. Sipas policisë shqiptare, kapja e tij u bë në kuadër të operacionit ndërkombëtar “The Ëanted”. “Ky shtetas ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Berat, në vitin 2021, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”. “Në muajin maj 2021, në Poshnje, Berat, shtetasi F. Sh. dyshohet se ka qëlluar me armë zjarri ndaj shtetasit I. I., i cili si pasojë është plagosur”, thuhet në njoftim, transmeton Klankosova.tv. Poashtu bëhet e ditur se Interpol Tirana është duke vazhduar  bashkëpunimin me Interpol Athinën, për finalizimin e procedurave të ekstradimit të shtetasit F. Sh., në Shqipëri.