Plagosja e dy personave në Pejë, ndalohet për 48 orë i dyshuari

Është ndaluar për 48 orë, i dyshuari që plagosi dy persona në rrugën “Hasan Murati”, në afërsi të Qendrës së Paraburgimit në Pejë. Sipas Policisë, dy të lënduarit kanë pranuar tretman mjekësor, derisa zëdhënësi i Prokurorisë Themelore në Pejë, Shkodran Nikçi, tha për Klankosova.tv, se gjendja e tyre ishte e rëndë. Ndryshe, Policia ka bërë të ditur se gjatë ekzaminimit të vendit të ngjarjes,  janë sekuestruar si prova materiale dy armë të gjata të tipit AK-47, dy revole, 149  fishekë dhe 16 gëzhoja. Njësiti i hetimeve rajonale në bashkëpunim me prokurorin janë duke vazhduar hetimet intensive lidhur me rrethanat e këtij rasti. https://klankosova.tv/dy-te-plagosur-nga-te-shtenat-ne-peje-video111/ https://klankosova.tv/te-plagosurit-ne-peje-ne-gjendje-te-rende-prokuroria-jep-detaje-pamje/ https://klankosova.tv/plagosja-e-dy-personave-ne-peje-detaje-nga-spital-ku-po-trajtohen-video/