Playoff fillon në Supërligën e Basketbollit, ‘’El Classico'' kosovare transmetohet në Artmotion dhe Klan Kosova

Pas 28 xhirove drithëruese, interesante dhe të zjarrta tashmë Superliga e Basketbollit kalon në fazën e nxehtë të playoffit, aty ku pritet të ketë spektakël të jashtëzakonshëm. 17:00                     PEJA – SIGAL PRISHTINA                               ART SPORT 1 & Klan Kosova Në mënyrë më të mirë as nuk mund të imagjinohej të niste kjo fazë playoff-i. Derbi i përhershëm i  elitës së basketbollit tonë, ndeshja mes dy skuadrave më të trofeshme në vend e nis gjithçka, njejtë siç bënte edhe me sezonin e rregullt. Ky duel luhet me fillim nga ora 17:00 teksa përveç se në Artmotion transmetohet edhe në Klan Kosova. Peja edicionin e rregullt e përfundoi në pozitën e katërt tabelore me 15 fitore dhe 13 disfata teksa në anën tjetër Prishtina që luftoi e luftoi pa fund për t’i ikur pozitës së fundit në përfundim arriti pozitën e pestë në renditje me 11 fitore dhe 17 humbje. Nga ndeshjet direkte, pejanët kanë triumfuar në tre raste kundër Prishtina në vetëm një sa i përket sezonit të rregullt. Peja, 5-shja e mundshme startuese: Walton, Kovaqi, Dendy, Shoshi, Walters Prishtina, 5-shja e mundshme startuese: Johnson, LeDay, Azemi, Mack, Rugova 20:00                     G.E YLLI – BASHKIMI                       ART SPORT 1 Peja – Prishtina nuk do të jetë ndeshja e vetme e natës së dielë, kjo pasi që këtë ditë super sportive e mbyll dueli në mes fqinjëve të Golden Eagle Yllit dhe Bashkimit që luhet në palestrën “13 Qershori” në Therandë me fillim nga ora 20:00 dhe transmetohet drejtpërdrejt në Art Sport 1. Golden Eagle Ylli e përfundoi sezonin si e treta në tabelë, pasi krejt në fund humbi ndeshjen direkte nga Rahoveci që mori plasmanin në gjysmëfinale si e dyta në renditje. Suharekasit patën 17 fitore dhe 11 disfata teksa nga ana tjetër Bashkimi e mbylli edicionin me vetëm 11 fitore dhe 17 humbje duke marrë vetëm pozitën e gjashtë tabelore. Në duelet direkte më të mirë ishin Golden Eagle Ylli që fitoi tre ndeshje të ndërsjellta teksa Bashkimi arriti sukses në vetëm një prej tyre. G.E Ylli, 5-shja e mundshme startuese: Kastrati, Gill, Bunjaku, Zekiqi, Morina Bashkimi, 5-shja e mundshme startuese: Mala, Lutete, Latkoviç, Hamati, Oleka