"Po du me dashtë diçka"

Poezi shkruar nga: Enis Reçica Po du me dashtë diçka..., Qoftë edhe njeri ai!   Po du me ndje ndonjë send..., Qoftë edhe shpirt ai!   Po du me rrëmby a me vjedhë..., Qoftë edhe një zemër!   Po du me i zgjatë duart..., Qoftë me e shtrëngu n’përqafim!   Por, nuk po du me shpikë asgjë Qoftë edhe një imagjinatë!   Por, nuk po du me dëgju përrallë..., Qoftë ajo edhe andërr!   Thjesht, po du me dashtë..., Qoftë edhe një copë njeri!   Qoftë ky i fundit! Atëherë, ky le ta di, se po du me dashtë... 21 mars, Dita Botërore e Poezisë!