Po voziste me shpejtësi mbi dyfishin e lejuar, ndëshkohet shoferi në Gjakovë

Policia në Gjakovë ka dënuar një shofer gjatë ditës së diel, pasi në zonën me kufizim shpejtësie prej 60 km/h, ai voziti me shpejtësi prej 154 km/h. Përmes një njoftimi të lëshuar, policia bën të ditur se ndaj shoferit është shqiptuar një gjobë në shumë prej 300 euro, ndërsa si masë mbrojtëse i është ndaluar patentë-shoferi për një periudhë prej tre muajsh, transmeton Klankosova.tv. “Më datë 24 gusht 2025, gjatë patrullimit me veturë inteligjente, Njësia Rajonale e Trafikut Rrugor në Gjakovë ka evidentuar një shkelje të rëndë të rregullave të komunikacionit. Në zonën me kufizim shpejtësie prej 60 km/h, një veturë është kapur duke lëvizur me shpejtësi prej 154 km/h. Përmes pajisjes me laser për matjen e shpejtësisë, patrulla ka arritur ta ndalojë automjetin dhe, duke u bazuar në duke u bazuar në ligjin për rregullat e trafikut ndaj kundërvajtësit është shqiptuar një gjobë në shumë prej 300 euro, ndërsa si masë mbrojtëse i është ndaluar patentë-shoferi për një periudhë prej tre (3) muajsh”, thuhet në njoftim.