Podujeva kalon në zonën e verdhë, Bulliqi kërkon diçka nga qytetarët

Kryetari i Podujevës, Shpejtim Bulliqi përmes një postimi ka lajmëruar qytetarët se tashmë kanë kaluar në zonën e verdhë, sa i përket rrezikshmërisë për koronavirus. Bulliqi ka njoftuar se me këtë kalim hiqet edhe kufizimi i lëvizjes së qytetarëve, njofton Klan Kosova. Tutje Bulliqi ka kërkuar nga qytetarët që të vazhdojnë të respektojnë masat kundër koronavirusit. Postimi i plotë i Bulliqit: Të dashur qytetarë Ministria e Shëndetësisë ka bërë sot kategorizimin e ri të komunave, sipas numrit të personave të infektuar me coronavirus. Pas rënies së numrit të të infektuarve në komunën tonë, me vendimin e ri të Ministrisë së Shëndetësisë, Komuna e Podujevës është larguar nga zona e kuqe, duke kaluar kështu në zonën e verdhë. Me këtë (kalimin në zonën e verdhë) hiqet kufizimi i lëvizjes së qytetarëve. Ju lusim të vazhdoni të respektoni masat e vendosura nga Instituti Kombëtar i Shëndetësisë Publike! Mbani maskën! Mbani distancën! Mbani higjienën!