Zyrtari policor me inicialet I.F. në njërën nga dhomat e Qendrës Kryesore të Mjekësisë Familjare në Podujevë dyshohet se e ngacmoi seksualisht mjeken duke e mbyllur në dhomën e saj të punës.
Drejtori i QKMF-së, Ymer Llugaliu, tha se nuk mund të japë asnjë informacion për rastin pasi me të po merren organet e drejtësisë.
Policia përveç që i hapi rast për ngacmim vendosi që zyrtarit policor edhe t’ia ndërrojnë vendin e punës. Nga Podujeva u zhvendos në stacionin policor Qendra në Prishtinë.
E rastin e ndodhur më 22 korrik po e heton edhe Inspektorati Policor i Kosovës.
“Pas këtyre veprimeve, IPK-ja ka përcjellë në prokurori një raport informues dhe sipas udhëzimeve nga prokuroria, në mungesë të elementeve të veprës penale, i njëjti rast do të procedohet në Drejtorinë për Hetim të Brendshëm të Policisë së Kosovës për hetim të mëtejmë administrativ/disiplinor”, thanë nga IPK-ja.
Klan Kosova mësoi se i dyshuari punonte prej shumë vitesh si polic në Podujevë, derisa kontakti më të gjatë të mërkurës ishte i pamundur.
https://www.youtube.com/watch?v=evWG8807xrk
●●●
LHSHKRIMI NGA
L H
Editorial nga Klan Kosova — ndjek video lajme dhe zhvillimet e tjera kryesore të vendit.
