Policia apelon për kujdes të shtuar gjatë ngasjes nga të reshurat e shiut dhe borës

Policia ka apeluar ngasësit që të kenë kujdes të shtuar gjatë ngasjes nga të reshurat e shiut dhe borës. Gjithashtu, policia apelon për mbajtje të distancës mes mjeteve si dhe ngadalësim gjatë lëvizjes në rrugë nga të reshurat e shiut dhe në rrugë të mbuluara me bore. “Bazuar në situatën e tanishme ku kemi ndryshim të kushteve atmosferike dhe reshje të shiut e të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë nga të reshurat e shiut dhe në rrugë të mbuluara me borë dhe me mundësi të paraqitjes së ngricave”, thuhet në njoftim. Kushtet aktuale atmosferike: Reshjet e shiut, borës dhe ngricat e mundshme krijojnë vështirësi në qarkullimin rrugor. Këshilla për shoferët: Mbani distancën e sigurisë mes mjeteve. Përshtatni shpejtësinë me kushtet e rrugës. Ngadalësoni gjatë ngasjes në rrugë me shi e të mbuluara me borë dhe akull. Pajisuni me gomat dhe mjetet dimërore.