Policia deklarohet për rastin e zjarrit në Qendrën Tregtare: Nuk ka të lënduar

Një zjarr ka shpërthyer sot në Qendrën Tregtare në Bregun e Diellit. Lidhur me rastin ka folur edhe zëdhënësja e policisë për rajonin e Prishtinës, Flora Ahmeti. Ahmeti tha për Klankosova.tv se nuk raportohet për ndonjë person të lënduar. “Sot rreth orës 17:00, kemi pranuar informatën për një zjarr në një objekt në lagjen Bregu i Diellit në Prishtinë.Në vendngjarje kanë dalë zjarrfikësit dhe policia të cilët janë duke u marrë me rastin. Nuk raportohet për persona të lënduar”, deklaroi ajo. Lidhur me këtë incident, për Klankosova.tv detaje ka dhënë komandanti i Brigadës së Zjarrfikësve, Malë Gashi. Gashi tha se zjarrfikësit kanë intervenuar menjëherë. “Janë djegur disa plastika, në hyrjen e tretë të Qendrës Tregtare. Dëmi ka qenë aq sa ka mbërritur ekipi i zjarrfikësve”, deklaroi ai për Klankosova.tv. Ai theksoi se nuk dihet se nga çka është shkaktuar ky zjarr. “Vlerësimi do të bëhet nga inspektorët e zjarrit”, theksoi Gashi. https://www.youtube.com/watch?v=L9RQP9euUZE