Policia deklarohet për rastin ku i paraburgosuri tentoi të ikte nga Pallati i Drejtësisë

Një i paraburgosur gjatë ditës së djeshme ka tentuar të ikte nga Pallati i Drejtësisë duke kërcyer nga kati i dytë. Mlladen Millosheviq, ka pësuar lëndime dhe është dërguar për trajtim në QKUK, ku edhe po trajtohet aktualisht në klinikën e Ortopedisë. Rastin e ka konfirmuar për Klankosova.tv Enis Pllana, zëdhënës i policisë për kryeqytetin. "Gjatë ditës së djeshme, një person i arrestuar nën dyshimet për kryerjen e veprës penale Vjedhje e rëndë, ka tentuar të arratiset nga Pallati i Drejtësisë, por i njëjti është ndaluar. Gjatë tentimit për arratisje, i dyshuari ka pësuar lëndime trupore, për çka është dërguar për tretman mjekësor", deklaroi Pllana për Klankosova.tv. https://klankosova.tv/i-paraburgosuri-kercen-nga-kati-i-dyte-i-pallatit-te-drejtesise-perfundon-ne-qkuk33/