Policia deklarohet për shpërthimin e bombolës së gazit në Gjakovë

Lidhur me shpërthimin e një bombole gazi në rrugën “Gjon Nikollë Kazazi” në Gjakovë, janë deklaruar edhe nga Policia. Shermet Elezaj, zëdhënës i policisë për rajonin e Gjakovës, tha për Klankosova.tv se nuk ka persona të lënduar nga shpërthimi i bombolës, pos dëmeve në kuzhinën e një shtëpie, aty ku dhe ka ndodhur incidenti. “Rreth orës 10:40, në rrugën “Gjon Nikollë Kazazi” në Gjakovë, është raportuar për një zjarr në një shtëpi banimi, i shkaktuar nga një bombol gazi. Në vendngjarje kanë dalë policia dhe zjarrfikësit, të cilët e kanë lokalizuar zjarrin. Përveç disa dëmeve të vogla në kuzhinën e shtëpisë, pasoja në njerëz nuk ka pasur”, tha Elezaj. Ndërsa sipas informacioneve të Klan Kosova, falë reagimit të shpejtë të zjarrfikësve, është parandaluar shpërthimi i një bombole tjetër. https://klankosova.tv/shperthen-bombola-e-gazit-ne-nje-shtepi-ne-gjakove-zjarrfikesit-parandalojne-incidentin-tjeter-111/