Zëvendësdrejtori i Policisë, Fehmi Hoti, priti sot në një takim zyrtar një delegacion nga Shërbimi Sekret i Shteteve të Bashkuara dhe përfaqësues të Ambasadës së Shteteve të Bashkuara në Prishtinë.
Takimi u zhvillua në frymën e partneritetit dhe besimit të ndërsjellë ndërmjet institucioneve.
"Gjatë diskutimeve u theksua rëndësia e thellimit të bashkëpunimit në fushën e sigurisë, shkëmbimit të përvojave dhe avancimit të kapaciteteve institucionale. Po ashtu u vlerësua mbështetja e vazhdueshme që Shtetet e Bashkuara të Amerikës i kanë dhënë ndër vite Policisë së Kosovës në ngritjen e standardeve profesionale dhe forcimin e institucioneve të sigurisë", thuhet në njoftim transmeton Klankosova.tv.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.