Policia e Kosovës, me fond të veçantë për ndihmë të viktimave të dhunës në familje (VIDEO)

Kur të thirren për ndihmë në rastet e ‘Dhunës në Familje’, një gajle do ta kenë më pak. Zyrtarët policorë që iu përgjigjen këtyre rasteve, me Projektligjin e ri për parandalimin dhe mbrojtjen nga dhuna në familje, do të kenë në dispozicion disa para për gjëra elementare, raporton Klan Kosova. Ky propozim mori dritën e gjelbër edhe të mërkurën në Komision për të Drejtat e Njeriut. Këtë lloj të fondit emergjent do ta menaxhojnë Qendrat Sociale nëpër Kosovë, derisa po shihet si barrë e hequr për forcat e rendit. Ish-koloneli Rrahman Sylejmani, pohon se në të kaluarën policët me raste ndihmonin edhe vullnetarisht. Projektligji i ri, sipas deputetes së Vetëvendosjes Arjeta Fejza, pritet të ndikojë në uljen e rasteve të dhunës në familje. Pas miratimit në komisionet e përhershme të Kuvendit, i njëjti do të procedohet për votim në seancë plenare. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=wMsjqARJVxA