Policia gjermane deklarohet për Klanin, e konfirmon që gruaja kosovare vdiq në aksident me fëmijën

Policia gjermane ka dalë me detaje shtesë lidhur me incidentin e rëndë në Schramberg të Gjermanisë, ku 29-vjeçarja nga Kosova dhe djali i saj trevjeçar, vdiqën pasi u goditën nga një kamion. Viktimat dyshohet se ishin duke ecur ne trotuar në momentin e aksidentit, derisa sipas mediave, nëna ishte duke e çuar të birin në kopsht, transmeton Klankosova.tv. Autoritetet gjermane, për Klankosova.tv konfirmuan kombësinë e viktimave, teksa shtuan se një burrë 53-vjeçar po drejtonte një kamion në “Oberndorfer Straße” drejt Autostradës Federale 462 rreth orës 9:00 të mëngjesit. Sipas policisë, shoferi ka humbur kontrollin e kamionit si pasojë e një problemi shëndetësor. “Kamioni u përplas me tre makina të parkuara dhe më pas u përplas në murin e një shtëpie. Një grua 29-vjeçare dhe djali i saj 3-vjeçar u goditën më pas në trotuar. Pavarësisht përpjekjeve të menjëhershme për t’i shpëtuar, të dy vdiqën në vendngjarje nga plagët e rënda”, thuhet në konfirmim. Shoferi i kamionit pësoi lëndime të lehta dhe i njëjti është transportuar për në spital. Me kërkesë të prokurorisë publike të Rottweil, është ngarkuar një ekspert për të përcaktuar shkakun e saktë të aksidentit. Hetimi i aksidentit në vendngjarje është ende duke vazhduar. https://klankosova.tv/tragjike-29-vjecarja-nga-kosova-dhe-djali-i-saj-trevjecar-vdesin-ne-nje-aksident-ne-gjermani11/ https://klankosova.tv/shoferi-qe-goditi-per-vdekje-nene-e-bir-nga-kosova-e-humbi-kontrollin-per-shkak-te-gjendjes-shendetesore/