Policia i konfiskon Arbër Havollit një thikë dhe një armë zjarri (VIDEO)

Policia e Kosovës të enjten ka arrestuar Arbër Havollin, i dyshuari për vrasjen e 44-vjeçarit, Bashkim Spahiu, që ndodhi në Llapashticë të Epërme të Podujevës më 6 shtator të këtij viti. Organet e rendit kanë njoftuar se gjatë kontrollit, të dyshuarit iu gjetën dhe iu konfiskuan një armë zjarri dhe një thikë, transmeton Klankosova.tv. “Njësitet policore kanë ndërmarrë një operacion në Prishtinë, i cili ka rezultuar me arrestimin e personit të dyshuar:  A.H, mashkull, 31 vjeç, shtetas i Republikës së Kosovës, i cili ishte i shpallur në kërkim nën dyshimin e bazuar për përfshirje në veprën në fjalë. Veprimet e mëtejme lidhur me personin e dyshuar do të merren në koordinim me Prokurorin e Shtetit”, thuhet në njoftimin e policisë. 31-vjeçari i dyshuar me vendim të prokurorit, është dërguar në mbajtje. Klankosova.tv ka raportuar edhe gjatë së enjtes për arrestimin e tij. Vërejtje: Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata. https://www.youtube.com/watch?v=V7UGAIkOYBc https://klankosova.tv/arrestohet-arber-havolli-i-dyshuari-per-vrasjen-e-bashkim-spahiut-ne-podujeve/