Policia jep detaje për arrestimin e personit në Istog që ua drejtoi armën (VIDEO)

Policia ka dhënë detaje rreth incidentit që ndodhi dje në Istog, e ku u arrestua një person, rast për të cilin ka raportuar edhe Klankosova.tv. Në njoftimin e Drejtorisë Rajonale të Pejës, thuhet se gjatë prangosjes së të dyshuarit një zyrtar policor ka pësuar lëndime. Organet e rendit njoftojnë se me këtë rast është konfiskuar edhe një armë. "Nga i dyshuari janё sekuestruar: njё (1) armё zoraki kal 9mm dhe njё karikator i sё njёjtёs armёs. I dyshuari pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje për 48 orё". "Zyrtarët policorë kanё nxjerrё armёt zyrtare, me qёllim tё evitimit tё rrezikut pёr veten e tyre dhe qytetarёt, ku tё njëjtit i ёshtё dhёnё urdhёr verbal pёr lёshimin e armёs, me ç’rast ёshtё arritur neutralizimi dhe arrestimi i personit tё dyshuar, ku gjatё arrestimit ёshtё lënduar njёri nga zyrtarët policorë". "Drejtoria Rajonale e Policisë në Pejë, Stacioni Policor në Istog, me datën 12.11.2025, rreth orës 13:15, derisa patrulla policore nё rroba civile ishin nё rrugën ‘Nёna Terezë’ nё Istog, kanё vërejtur njё veturё e cila ishte e ndaluar, ku nga zyrtarët policorë ёshtё kёrkuar qё tё kontrollohen, por i dyshuari ka ikur, duke mos respektuar urdhrin e policёve qё tё ndalet dhe i njëjti gjatё ikjes ka nxjerrё njё armё nga brezi dhe ua kishte drejtuar zyrtarёve policorë". https://klankosova.tv/tentoi-ti-ike-policise-dhe-nxori-armen-detaje-cka-ndodhit-sot-ne-istog-video1/