Policia ndalon shoferin në Ferizaj, i konfiskon armë, fishekë, drogë, telefon e veturë

Policia e Kosovës ka sekuestruar një armë zjarri me 16 fishekë, katër qese najloni me substancë të dyshuar narkotike të llojit kokainë, në peshë 1.62 gramë, një qese najloni me substancë të dyshuar narkotike të llojit marihuanë. Ndaj të dyshuarit i cili u ndalua nga policia teksa po voziste, iu konfiskuan edhe 21 fishekë, dy qese të najlonit me substancë të dyshuar narkotike të llojit marihuanë, vetura e përfshirë në rast dhe një telefon, transmeton Klankosova.tv. Me vendim të prokurorit, i dyshuari pas intervistimit është në dërguar në mbajtje. “Njësitet policore pasi kanë ndaluar një veturë të cilën e drejtonte i dyshuari kosovar, gjatë kontrollit në veturë kanë gjetur dhe konfiskuar një armë zjarri me 16 fishekë,  katër qese najloni me substancë të dyshuar narkotike të llojit kokainë, në peshë 1.62 gramë,  një qese  najloni me substancë të dyshuar narkotike të llojit marihuanë. Pastaj gjatë kontrollit të banesës tek i njëjti janë gjetur dhe konfiskuar edhe 21 fishekë, dy qese të najlonit me substancë të dyshuar narkotike të llojit marihuanë.  Pas përfundimit të përgjithshëm të kontrollit është konfiskuar edhe vetura e përfshirë në rast dhe një telefon. Me vendim të prokurorit, i dyshuari pas intervistimit është në dërguar në mbajtje”, thuhet në raportin e policisë.