Policia në Masaçusets ndjek lopën e arratisur për më shumë se dy orë

Një oficer policie në Masaçusets të ShBA-së po kalonte me makinë nëpër një lagje kur hasi në një skenë të pazakontë: një grua që ndiqte një lopë të lirshme. Departamenti i Policisë East Bridgewater tha se oficeri Robert Lang hasi në spektaklin befasues në zonën e rrugëve Belmont dhe Summer rreth orës 9 të mëngjesit të së mërkurës. Gruaja, e cilësuar si pronare e lopës, kishte thirrur policinë disa çaste më parë dhe shumë shpejt mbërritën oficerë të tjerë për të ndihmuar në ndjekje. "Ka pasur ndërprerje të vogla në trafik gjatë incidentit kur lopa u afrua pranë rrugës në rrugët Belmont dhe Summer. Ka pasur edhe dëme të vogla të shkaktuara në disa lëndina në zonë", shkroi policia e atjeshme në një njoftim për shtyp. Ndjekja afërsisht 2-orë-e-gjysmë përfundoi kur oficerët ishin në gjendje të përdornin një laso dhe pak ushqim për të kapur lopën e quajtur Boots, dhe ta ngarkonin në një rimorkio. "Jam i lumtur të raportoj se oficerët tanë ishin në gjendje të ndihmonin në kapjen e sigurt të lopës pa lënduar veten ose kafshën", tha polici Michael Jenkins. https://www.youtube.com/watch?v=wESJMw6ijkA&t=8s